ނ.މިލަދޫ ރަށު އޮފީހާއި ކޯޓް ބަންދުކޮށްފައި ހުންނަތާ އެއްމަސް ދުވަސްފަހުން އެދެތަން ހުޅުވައި އަންގާރަ ދުވަހުގެ ރެއިން ފެށިގެން އަލުން އެރަށު މީހުންނަށް ޚިދުމަތްދޭން ފަށައިފި އެވެ.
އާބާދީގެ ގޮތުން މާބޮޑުނޫން މިލަދޫގެ ރަށު އޮފީހާއި ކޯޓް އެރަށު ބަޔަކު ނުކުމެ ބަންދު ކުރަން ޖެހުނު ސަބަބެއް ކަމުގައިވަނީ ކަރަންޓާއި ބޯފެނާއި ނަރުދަމާގެ ނިޒާމާއި އަދި ފަޅުގެ ޚިދުމަތް ރަނގަޅު ފެންވަރެއްގައި އެރަށުން ލިބެން ނެތުމުންކަމަށް އެންޓި އެފް އޯ އަށް ޚަބަރު ލިބިފައިވެއެވެ.
އެވަގުތަކީ އަތޮޅުވެރިޔާ ޗުއްޓީގައި އަމިއްލަ ރަށަށް ވަޑައިގެން އުޅުއްވާ ދުވަސްވަރު ކަމަށް ވުމުން، އެކަން ޙައްލު ކުރެވޭތޯ އަތޮޅު އޮފީހުގެ އިސްވެރިންނާއި އެޓޯލްސް މިނިސްޓްރީ އަދި ކަމާބެހޭ އެހެން އިދާރާތަކުން ތަފާތު އެތައް ފަހަރެއްގެ މަތިން މަސައްކަތްތަކެއްކޮށް ވަނީ ނާކާމިޔާބު ވެފައެވެ.
ނަމަވެސް މިހާރު ޗުއްޓީ ނިއްމެވުމަށްފަހު ނ.އަތޮޅަށް ވަޑައިގެން އުޅުއްވާ އަތޮޅވެރިޔާ ބުދަ ދުވަހުގެރޭ ވަނީ މިލަދޫއަށް ވަޑައިގެން އެރަށު ރައްޔިތުންނާ ބައްދަލު ކުރައްވާ ވާހަކަ ދައްކަވާފައެވެ. ފ.ނިލަންދޫއަށް އުފަން ޒުވާން އަތޮޅުވެރިޔާގެ ވާހަކަފުޅުގައި ރަށު އޮފީހާއި ކޯޓް އަދި ރަށުގައި ހުންނަ ސަރުކާރުގެ އިދާރާތައް ބަންދުކޮށްފައި ބެހެއްޓުމީ މައްސަލަތަކަށް އޮތް ހައްލެއް ނޫންކަން ވިދާޅުވެ ޚަލީލުގެ މަޑުމައިތިރި މިޒާޖުން ރައްޔިތުންނަށް ވިސްނައި ދެއްވިއެވެ. އަދި ރައްޔިތުންވެސް ޚަލީލުގެ ބަސް ގަބޫލުކޮށް ސަރުކާރުގެ މަސައްކަތްތައް ކުރުމަށްވަނީ ޖާގަ ދީފައިކަމަށް އެރަށުން ވާހަކަ ދެއްކި މީހަކު އެންޓި އެފް އޯ ކައިރީ ބުނެފައި ވެއެވެ.
ކުރިން އއ އަތޮޅުގައި ހުންނެވިއިރުވެސް އެއަތޮޅުގެ ރަށަކުން އެފަދަކަމަކާއި ދިމާވެ އެފަހަރުވެސް ވަރަށް ސާބިތުކަމާއެކު ރައްޔިތުންނާވަނީ ކުރިމަތި ލައްވާފައެވެ.
އަޅުގަނޑު މިލިޔުން މިތާ ޚާއްޞަ ކޮށްމިލީ ހަމަ އެންމެ ބޭނުމެއްގައެވެ. މުޅިއަތޮޅަށް ބަލާވެރި ކަމެއްގެ ގޮތުގައި ޖެހިފައިވާ ފޮޑި ޑަރޯގާތައް ފ.އަތޮޅުގައި ތިއްބެވި މިފަދަ ބޭބޭފުޅުންގެ ކިބައިން ޢިބުރަތް ލިބިގަނެ ދަރުސްތަކެއް ލިބިގަނޭތޯ އެވެ. އަމިއްލަ އެދުންވެރިކަމާ ތިމާގެ އަމިއްލަ ގޮތްތައް އެއްކިބާވެ ރައްޔިތުންގެ ޙައްގުގައި މަސައްކަތްކުރާ އެފަދަ ބޭބޭފުޅުން މިސާލެއްގެ ގޮތުގައި ދެކުމަށެވެ.
އަޅޭ ނިކަށް އެންމެ ފަހަރަކުވެސް ތިމާމެންނަށް މިކުރެވެނީ ކީއްތޯ ވިސްނާލައި އެހެން މީހުންގެ ފޫކޮޅުގައި ހިފާ ދަމާ ކޫތޭއިރު ތިމާގެ ފޫކޮޅުގައި އޮންނަކީ ކޮންއެއްޗެއްކަން އެނގި، ތިމާމެންގެ އުޅުން ހުންނަކީ ކިހިނެކުންކަން އިނގޭނެ ނަމައެވެ.
އެންޓި އެފް އޯ އަށް ޔަގީންވާ އެއްކަމެއް އެބައޮތެވެ. މިދިން ނަސޭހަތުގައިވެސް މިބައިގަނޑު ކޮޅުފައިން ޖަހާނެކަން ދުވާލުގެ އިރުފެންނަ ފަދައިން ކަށަވަރެވެ. އަދި ދެންކޮށްލާވަރު އިހުނަށްވުރެ ގަދަވާނެ އެވެ. ނުވީތާކަށް އަތޮޅުގައި ތިބި އެފަދަ ބޭބޭފުޅުންނާ ޒާތީ ގޮތުންވެސް ޖައްސާލާނެ އެވެ. އެންޓި އެފް އޯއަށް ތިޔަ ބަގަތަށް އޮޅިފައެއް ނތެވެ.
އަޅެ އެއޮއްކަމެއް ނިކަން ބަލާބަލާށެވެ. ބުނާކަން މިލިޔަމުން ދާއިރުވެސް ހަލާކުވާ ވަރަށް ހިނި އެބައާދެއެވެ. ސައިޒު އޮޅުނަސް އަޅޭ ތީ ބޮޑުވަރެކެވެ. ވަގު ބުއްދީގެ ފޮޓޯވެސް އެހެރީ ރައީސް މައުމޫނުގެ ފޮޓޯފުޅަށް ހުއްޓޭ ގޮތަށް ހުއްޓިގެން ނޯލައެވެ. ފޮޓޯގެ ފަހަތް ބަދަލުކޮށްލިނަމަ ހަމަ ރައީސަކާއި ވަރަށް ވައްތަރުވީސްއެވެ. ފޮޓޯއެއްގައިވެސް ޖަލީލުއާއި އެއްހަމައަކަށް އައުމުން ތިހިރީ މިހާރު ހިތް އާސްމާނަށް އަރާފައިދޯއެވެ. ތިޔަހަރީ ހިތުން ހައުދަހައި ފޮންޏެއްވެފައިތާއެވެ.